( 10 mai, 2011 )

Ine éstatue por Célestin !!! … ????

Quanque ol en a t’oyut peur v’ni beurlandé  que les mondes dau payibâs aviant afistolé l’idée de feire gosser une éstatue en l’houneur dau pius bon payibatié de nout’ temps , célestin  se carcini l’ sang peur asavoir  qu’étout qui s’rit sus thielle éstatue  . Ol a teurjou des jhens bin intentiouné peur gavagné les segrés…. . De thieu long , o s’melounait qu’o serit jhustement thieu biton d’ Célestin qu’arit oyut thieu l’houneur  !  Et si feit  que Célestin é in pays bâtié et in bon , o dires de thieuques in  , qui marite bin que n’on z’y gosse ine éstatue  et qu’o s’rit beun le peurmier cot  que n’on ferit, de minme, la portraiture en creux et en bosses d’in gas qui seri t-encouére de thieu monde . O l’adoune meu quanqu’ol é qu’les jhens sont bazit , à seurfin qui v’nant pas ronchouné  pasqu’ol é pas arsambiant et yière avantageux. Ol é pas qu’ol en manque des payibâtié qui mariteriant ine éstatue . A coummencé peur Raymond Doucinet , anvec sa dame : Olga   et étout  Bitou , Boun’ap’tit  et tout in soulâ d’monde  que les piârières des Chaudrolles fourniriant pas t’a veurti les piâres . Enfin thielle histouère a torné en bouillon de mouquyes in cot de mé  et Célestin babinote de la goule asteur :  » Bande de sotrâ sti qui desit!  Race dau yiabe !!! ».

Thiés qu’étiant envioux  ( si parait qu’ol en a t’oyut !!) buff’rant meu tout d’in côt !  Argardez thielle éstatue et outez thieu linceu t- en acachant d’ sus aveuc  vout’ mulot fort matic .  Peurez pas dési que peursoune vous avit invité à l’inauguration  pisque o s’ra vous ôtes qui coumend’rez la çarémounie !!!

 

statue1.jpg

 

 

Publié dans patoigraphie par
Commentaires fermés

Pas de commentaires à “ Ine éstatue por Célestin !!! … ???? ”

Fil RSS des commentaires de cet article.

|